የዓለም ዲፕሎማሲ ማዕከል እና የታሪክ ህያው ምስክር-(Palais des Nations )

- Advertisement -

#Ethiopia | ወደ ዓለም አቀፉ የዲፕሎማሲ ከተማ ጄኔቫ ሲመጣ፣ ቀጥታ ቀልብን የሚስበውና የታሪክ ትልቅነት የሚሰማው ታዋቂውን የፓሌ ደ ናሲዮን (Palais des Nations) ቅጥር ግቢ ሲረግጡ ነው። ሰሞኑን በተባበሩት መንግስታት ድርጅት የጄኔቫ ፅህፈት ቤት ያደረግኩት ጉብኝት እጅግ አስደናቂ እና አዲስ መነሳሳትን የፈጠረብኝ ነበር።

🔴ለመሆኑ ስለ Palais des Nations ምን ያህል ያውቃሉ?

ይህ ታሪካዊ ህንፃ የተባበሩት መንግስታት ድርጅት የጄኔቫ መቀመጫ ብቻ አይደለም፤ የሰው ልጅ ለዓለም ሰላምና ትብብር ያደረጋቸውን ጥረቶች፣ ታላላቅ ውይይቶችና ስምምነቶች በውስጡ የያዘ የዲፕሎማሲ ህያው ሙዚየም ነው ሊባል ይችላል።

ታሪካዊ አመጣጥ፦

ህንፃው የተገነባው በ1930ዎቹ መጀመሪያ አካባቢ (ከሁለተኛው የዓለም ጦርነት በፊት) ለቀድሞው የዓለም መንግስታት ማህበር (League of Nations) መቀመጫነት ነበር። በኋላም የተባበሩት መንግስታት ድርጅት (UN) ከተመሰረተ በኋላ የድርጅቱ ሁለተኛው ትልቁ ማዕከል ለመሆን በቅቷል።

የስብሰባዎች ማዕከል፦ በየዓመቱ በሺዎች የሚቆጠሩ ዓለም አቀፍ ስብሰባዎችና የሰላም ድርድሮች የሚስተናገዱበት፣ የዓለም እጣ ፈንታ የሚወሰንበት ቁልፍ ስፍራ ነው።

ከጉብኝቴ ማስታወሻ

በቅጥር ግቢው ውስጥ ስንቀሳቀስና የሁሉም አባል ሀገራት ሰንደቅ ዓላማዎች በነፃነት ጎን ለጎን ሲውለበለቡ ስመለከት፣የባለብዙ ወገን ዲፕሎማሲ (Multilateralism) ለአሁኑና ለወደፊቱ ዓለም ሰላምና እድገት ምን ያህል ወሳኝ እንደሆነ በድጋሚ ያስገነዝባል።

በተለይም ታሪካዊውን አዳራሽ (Assembly Hall) ስመለከት፣ የሀገራችን የኢትዮጵያ የረጅም ዘመን የዲፕሎማሲ ታሪክና ገና ከሊግ ኦፍ ኔሽንስ ምስረታ ጀምሮ የነበረን ጠንካራና የማይደበዝዝ የነፃነትና የእኩልነት ድምፅ በአዕምሮዬ ላይ ይመላለስ ነበር። የዓለምን ሰላም፣ መከባበርና ልማት ለመቅረጽ ሌት ተቀን የሚሰራበት የዲፕሎማሲው ዋና ማዕከል ውስጥ መገኘት ለነገው ስራችን ትልቅ ስንቅ የሚሆን እይታን ያጋራል።

ውብ በሆነው የአርያና ፓርክ (Ariana Park) እና በታሪካዊው ህንፃ ውስጥ ያደረግኩት ቆይታ ሁሌም በአዎንታዊነት የሚታወስ ነው። የዓለም ህዝቦች በውይይትና በትብብር የተሻለች ምድርን መፍጠር እንደሚችሉ ትልቅ ተስፋ የሚሰጥ ስፍራ ነው ።

#Geneva #UNOG #PalaisDesNations #Diplomacy #Multilateralism #Ethiopia #GlobalDiplomacy United Nations UN Geneva

Source: GetuTemesgen