ኢራን “በውጊያ ሜዳ አዲስ ስልት አለኝ” ስትል አስጠነቀቀች የኢራን ፓርላማ አፈ ጉባዔ ከአሜሪካ ጋር ጦርነቱ የሚቀጥል ከሆነ ቴ…

ኢራን “በውጊያ ሜዳ አዲስ ስልት አለኝ” ስትል አስጠነቀቀች

የኢራን ፓርላማ አፈ ጉባዔ ከአሜሪካ ጋር ጦርነቱ የሚቀጥል ከሆነ ቴህራን “በውጊያ ሜዳ አዲስ ስልት ለማሳየት እየተዘጋጀች ነው” በማለት አስጠንቅቀዋል።
በሁለቱ አካላት መካከል የተደረሰው የተኩስ አቁም ነገ እንደሚያበቃ ሲጠበቅ፥ የአሜሪካው ፕሬዚዳንት ዶናልድ ትራምፕም የተኩስ አቁሙ የመቀጠል እድል ላይኖረው እንደሚችል ገልጸዋል።
አሜሪካ እና ኢራን በፓኪስታን ያደርጉታል ለተባለው ድርድር የአሜሪካው ምክትል ፕሬዚዳንት ጄዲ ቫንስ ዛሬ ወደ ፓኪስታን ይሄዳሉ ተብሎ ይጠበቃል።
በአንጻሩ ከኢራን በኩል እስካሁን በድርድሩ የመሳተፍ ውሳኔ ያልተደረሰ ሲሆን፥ ተወካይዋንም አለመላኳ እየተነገረ ነው።
አሜሪካ በሆርሙዝ የባህር ወሽመጥ ላይ እገዳ የጣለች ሲሆን፥ ከትናንት በስቲያ የኢራንን ሰንደቅ አላማ የሚያውለበልብ የጭነት መርከብን ይዛለች።
ይህን ተከትሎም ቴህራን አሜሪካ ተኩስ አቁሙን ጥሳለች በሚል ክስ አቅርባለች።
@seledadotio
@seledadotio