#Ethiopia | በአሜሪካ የሚገኝ አንድ አዲስ የሞባይል አገልግሎት አቅራቢ ድርጅት፣ ከሥነ-ምግባር ውጪ ናቸው ያላቸውን ይዘቶች የሚዘጋ አገልግሎት ይዞ ብቅ ብሏል።
Radiant Mobile የተሰኘው ይህ ኩባንያ፣ በሀገሪቱ የመጀመሪያው ፖርኖግራፊን እና የLGBT+ ይዘቶችን በኔትወርክ ደረጃ የሚዝጋ የሞባይል ኔትወርክ ለመሆን አልሟል።
የኩባንያው መስራች የሆኑት ፖል ፊሸር ለኤም.አይ.ቲ ቴክኖሎጂ ሪቪው (MIT Technology Review) ሲናገሩ፦
”እኛ ከፖርኖግራፊ፣ ከLGBT እና ከትራንስ (Trans) ይዘቶች የጸዳ፣ በኢየሱስ ላይ ያተኮረ አካባቢ የመፍጠር ሙሉ መብት አለን ብለን እናምናለን” ብለዋል።
ይህ አገልግሎት ተጠቃሚዎች በስልካቸው ሊያገኟቸው የሚችሉትንና ኩባንያው “ለእምነት የማይመቹ” ያላቸውን ይዘቶች አስቀድሞ የማጣራትና የመከልከል ሥራ ይሰራል።
Radiant Mobile የራሱ የሆኑ የሞባይል ማማዎች (Cell Towers) የሉትም። ይልቁንም ልክ እንደ ባለፈው ዓመት ሥራ እንደጀመረው የዶናልድ ትራምፕ “Trump Mobile” ሁሉ፣ ከታዋቂው የቴሌኮም ኩባንያ T-Mobile ላይ ባንድዊድዝ (Bandwidth) በመግዛት ለደንበኞቹ የሚያከፋፍል (MVNO) ኩባንያ ሲሆን አገልግሎቱን ባለፈው ማክሰኞ በይፋ ሥራ ጀምሯል።
በኔትወርክ ደረጃ የይዘት ገደብ በማድረግ “ንጹህ” የተባለ የኢንተርኔት ተሞክሮ ለመስጠት መሞከሩ በዋናነት ሃይማኖታዊ እሴቶቻቸውን በቴክኖሎጂ አጠቃቀማቸው ላይ ለማንጸባረቅ ለሚፈልጉ ወላጆችና ግለሰቦች ታስቦ የተዘጋጀ ነው።
ይህ አዲስ አዝማሚያ በቴክኖሎጂው ዓለም ውስጥ በሃይማኖታዊ እና ፖለቲካዊ አመለካከቶች ላይ የተመሰረቱ “የተለዩ” የቴክኖሎጂ አገልግሎቶች (Parallel Tech) እያደጉ መምጣታቸውን የሚያሳይ ሌላው ማሳያ ሆኗል።
Getu Temesgen – (ጌጡ ተመስገን)
#getutemesgen #getu
#RadiantMobile #Technology #ChristianTech #JesusCentric #USA #News #MobileNetwork
Source: GetuTemesgen
Related Posts
No comments yet.