በህጻናት ጋብቻ ላይ በሰጠው አወዛጋቢ አስተያየት ሳቢያ ፓኪስታናዊው ኢማም ከጣሊያን በ24 ሰዓት ውስጥ እንዲባረር ተወሰነ

- Advertisement -

#Ethiopia | በጣሊያን የሚኖረው ፓኪስታናዊው ኢማም አሊ ካሺፍ፣ በአንድ የቴሌቪዥን ፕሮግራም ላይ ቀርቦ “ከዘጠኝ ዓመት በታች ያሉ ህጻናት ጋብቻ ተቀባይነት ሊኖረው ይገባል” የሚል አወዛጋቢ ንግግር ማድረጉን ተከትሎ፣ ከሀገሪቱ በአስቸኳይ እንዲባረር ተወስኗል።

ኢማሙ በቴሌቪዥን መስኮት ቀርቦ የሰጠው ይኸው አስተያየት በመላው ጣሊያን ከፍተኛ የሕዝብ ቁጣን ቀስቅሷል። የጣሊያኗ ጠቅላይ ሚኒስትር ጆርጂያ ሜሎኒ ጉዳዩን በጥብቅ በመቃወም፣ ግለሰቡ በ24 ሰዓታት ውስጥ የጣሊያንን ግዛት ለቆ እንዲወጣ ትዕዛዝ አስተላልፈዋል።

የሀገሪቱ የጸጥታ አካላት ግለሰቡን ለማባረር የተጠቀሙት፣ “የሕዝብን ደህንነት አደጋ ላይ የሚጥሉ ወይም የማኅበረሰቡን ሰላም የሚያውኩ የውጭ ዜጎችን ከአገር የማስወጣት” መብት የሚሰጠውን የደህንነት ሕግ ነው።

ይህ ክስተት በጣሊያን ውስጥ በሦስት ዋና ዋና ነጥቦች ላይ ሰፊ ክርክር እንዲቀሰቀስ ምክንያት ሆኗል፡-

-ከለጋ ዕድሜ ጋብቻ ጋር ተያይዞ ያሉ ዓለም አቀፍ የሰብአዊ መብት ጥሰቶች።

– በስደት የሚመጡ ግለሰቦች ከሚኖሩበት አገር ሕግና ማኅበራዊ እሴት ጋር ያላቸው መጣጣም።

-የውጭ ዜጎች በሀገር ውስጥ በነፃነት የሚያንፀባርቋቸው አቋሞች የሕግ ወሰን።

ኢማሙ ካደረገው ክርክር በኋላ የተወሰደው ፈጣን እርምጃ፣ የጣሊያን መንግሥት በሕጻናት ጥበቃና በማኅበራዊ ደህንነት ጉዳዮች ላይ ያለውን ጥብቅ አቋም የሚያሳይ መሆኑ ተገልጿል።

Getu Temesgen – (ጌጡ ተመስገን)
#getutemesgen #getu
#Italy #GiorgiaMeloni #ChildRights #Migration #ItalyNews #HumanRights #BreakingNews

Source: GetuTemesgen