#Ethiopia | ከዋና ከተማዋ ናይሮቢ በስተሰሜን ምዕራብ 120 ኪሎ ሜትር ርቃ በምትገኘው ጊልጊል ከተማ በሚገኘው የኡቱሚሺ ሴቶች አካዳሚ ሐሙስ ማለዳ በደረሰ የእሳት አደጋ የ16 ተማሪዎች ሕይወት አልፏል።
አደጋው 135 ተደራራቢ አልጋዎች የነበሩበትን ባለ ሁለት ፎቅ የመኝታ ክፍል የላይኛውን ክፍል ሙሉ በሙሉ አውድሞታል።
የብሔራዊ ፖሊስ አገልግሎት ከተማሪዎችና ከሰራተኞች ጋር ያደረገውን ቃለ-መጠይቅ እንዲሁም የደህንነት ካሜራ (CCTV) ምስሎችን በፎረንሲክ ከመረመረ በኋላ፣ ስምንቱ ተማሪዎች ከእሳቱ ዕቅድ እና አፈጻጸም ጋር ቀጥተኛ ግንኙነት እንዳላቸው አረጋግጧል።
እነዚህ ስምንት ተማሪዎች መጀመሪያ ላይ መርማሪዎች ለጥያቄ ለይተው ካወጧቸው 30 ተማሪዎች መካከል የሚገኙ ሲሆን፣ በአሁኑ ወቅት በቁጥጥር ስር ውለው ተጨማሪ ምርመራ እየተደረገባቸው ይገኛል።
ኬንያ በትምህርት ቤቶች የእሳት አደጋ ረጅም ታሪክ ያላት ሲሆን፣ ከሁለት ዓመት በፊት በማዕከላዊ ኬንያ በደረሰ ተመሳሳይ አደጋ የ21 ተማሪዎች ሕይወት ማለፉ ይታወሳል። በአዳሪ ትምህርት ቤቶች የሚነሱ አብዛኞቹ ቃጠሎዎች በዲሲፕሊንና በትምህርት ቤት አያያዝ ባልተደሰቱ ተማሪዎች ሆን ተብሎ የሚለኮሱ መሆናቸው ይነገራል።
Getu Temesgen – (ጌጡ ተመስገን)
#getutemesgen #getu
#Kenya #SchoolFire #Tragedy #UtumishiGirlsAcademy #Nairobi #EastAfrica #News
Source: GetuTemesgen
Related Posts
No comments yet.