ኮት ዲቯር በታሪኳ ለመጀመሪያ ጊዜ ለዓለም ዋንጫ የጥሎ ማለፍ ደረሰች

#Ethiopia | በ2026 የዓለም ዋንጫ የምድብ E የመጨረሻ ጨዋታ ኮት ዲቯር ኩራሳኦን 2ለ0 በማሸነፍ በታሪኳ ለመጀመሪያ ጊዜ ለዓለም ዋንጫ የጥሎ ማለፍ ዙር መድረሷን አረጋግጣለች።

የኮት ዲቯርን ሁለቱንም የድል ግቦች ኒኮላስ ፔፔ በማስቆጠር ቡድኑን ወደ ታሪካዊ ስኬት መርቷል። ውጤቱ ኮት ዲቯር በምድብ E ሁለተኛ ሆና ወደ ጥሎ ማለፍ እንድታልፍ አስችሏታል።

በተመሳሳይ ሰዓት በተካሄደው ሌላ የምድቡ ጨዋታ ኢኳዶር ጀርመንን 2ለ1 በማሸነፍ በምርጥ ሶስተኛ ቡድኖች ተርታ በመግባት ወደ 16 ቡድኖች የጥሎ ማለፍ ዙር መድረሷን አረጋግጣለች።

ምንም እንኳን በመጨረሻው ጨዋታ ብትሸነፍም፣ ጀርመን ከዚህ ቀደም በኩራሳኦ ላይ 7ለ1 እና በኮት ዲቯር ላይ 2ለ1 ያስመዘገበችው ድል በቂ ሆኖላት በ6 ነጥብ የምድቡን መሪነት በመያዝ ወደ ጥሎ ማለፍ ተሸጋግራለች። ኮት ዲቯር በ6 ነጥብ ሁለተኛ ስትሆን፣ ኢኳዶር በ4 ነጥብ በምርጥ ሶስተኛነት አልፋለች።

የኮት ዲቯር ወደ ጥሎ ማለፍ መድረስ በሀገሪቱ የእግር ኳስ ታሪክ አዲስ ምዕራፍ በመክፈት በአፍሪካ የስፖርት ዜናዎች ውስጥ ትልቅ ትኩረት ስቧል።




Source: GetuTemesgen

Related Posts

‎” እኛ የዚህች ምድር ጠባቂዎች ነን ! “

ቅዱስ ገብርኤል ከክፉ ነገር ሁሉ ይከልለን፣ የልባችንን መልካም መሻትም ይሙላልን

- Advertisement -

You might want to listen to:

Ethio FM