በዜጎች ላይ በደል በሚያደርሱ እና ህግ በማያከብሩ ከ200 በላይ ኤጀንሲዎች ላይ እርምጃ መወሰዱ ተገለጸየውጭ አገር ስራ ስምሪት…

በዜጎች ላይ በደል በሚያደርሱ እና ህግ በማያከብሩ ከ200 በላይ ኤጀንሲዎች ላይ እርምጃ መወሰዱ ተገለጸ
የውጭ አገር ስራ ስምሪት ሂደቱን የሚያከናውኑ ኤጀንሲዎች ግዴታቸውን በአግባቡ እንዲወጡ ለማድረግ በተደረገ ጥብቅ ክትትል፣ ህግ ጥሰው በተገኙ ከ200 በላይ ኤጀንሲዎች ላይ የእግድ እርምጃ መወሰዱን የስራና ክህሎት ሚኒስቴር አስታውቋል።
እርምጃው የተወሰደው በሰራተኞች ላይ በደል ካደረሱ፣ የደመወዝ ክፍያ ካዘገዩ እና ሰነዶችን ካጭበረበሩ ኤጀንሲዎች ላይ ነው።
አዲሱ የቴክኖሎጂ ስርዓት ማንኛውም ኤጀንሲ ያለበትን ቅሬታ ወይም ያለመግባባት በወቅቱ ካልፈታ፣ ሲስተሙ በራሱ ኤጀንሲውን “ብሎክ” የሚያደርግበት አሰራር ተዘርግቷል።
ይህም ማለት ኤጀንሲው ተጨማሪ ሰራተኞችን መላክም ሆነ የስራ ውል ማሳደስ አይችልም።
በተለይም በውጭ አገር ችግር የደረሰባቸው ዜጎች ቅሬታቸውን ሲያቀርቡ፣ ኤጀንሲው ችግሩን ፈትቶ የዜጋውን ደህንነት ማረጋገጡ በሲስተሙ እስካልታየ ድረስ ስራውን መቀጠል አይችልም።
ይህም ኤጀንሲዎች ለዜጎች መብትና ደህንነት ከፍተኛ ትኩረት እንዲሰጡ የሚያስገድድ እንደሆነ ተገልጿል።
@seledadotio
@seledadotio