በኢትዮጵያ በኩል ያለው የአፍሪካ ክፍል ለሁለት እየተሰነጠቀ ነው ተባለ

- Advertisement -

#Ethiopia | አህጉራችን አፍሪካ በታላቅ የጂኦሎጂካዊ ለውጥ ውስጥ ትገኛለች። ለዘመናት “የማይናወጥ” ይመስል የነበረው መሬት፣ አሁን ግን በአይናችን ስር እየተለወጠ መሆኑን አዳዲስ ሳይንሳዊ ግኝቶች እያመለከቱ ነው።

የጂኦሎጂ ተመራማሪዎች እንደሚሉት ከሆነ፣ የአፍሪካ አህጉር ለሁለት የመከፈል ሂደቷ ከዚህ ቀደም ይገመት ከነበረው በበለጠ ፍጥነት እየተከናወነ ነው። ይህ ክስተት በምስራቅ አፍሪካ በኩል አዲስ ውቅያኖስ እንዲፈጠር መንገድ እየጠረገ መሆኑ ተነግሯል።

ሂደቱ በዋናነት እየታየ ያለው በኢትዮጵያ፣ በኬንያ እና በታንዛኒያ በኩል በሚያልፈው የምስራቅ አፍሪካ ስምጥ ሸለቆ መስመር ላይ ነው።

“ሳይንስ አለርት” (Science Alert) የተሰኘው የሳይንስ መረጃ ምንጭ እንደዘገበው፣ በአሁኑ ወቅት የመሬት መሰነጣጠቁ “ወሳኝ ደረጃ” ላይ ደርሷል።

ይህ ሂደት በሚሊዮን የሚቆጠሩ ዓመታትን የሚፈጅ ቢሆንም፣ አፍሪካን ለሁለት በመክፈል መካከለኛውን ክፍል ወደ ውቅያኖስነት እንደሚቀይረው ይጠበቃል።

የመሬት በታች ንጣፎች (Tectonic Plates) እየራቁ መሄድ አህጉሪቱን ለሁለት እየከፈላት ነው። ምንም እንኳን ይህ ለውጥ በሰው ልጅ የዕድሜ ዘመን የሚጠናቀቅ ባይሆንም፣ በአሁኑ ወቅት የታየው የመሬት መንቀሳቀስ ፍጥነት ግን ሳይንቲስቶችን በእጅጉ አስገርሟል።

”ይህ ተፈጥሯዊ ሂደት አፍሪካን ዳግም በመቅረጽ ላይ ነው። በአንድ ወቅት ደረቅ የነበሩ አካባቢዎች ወደፊት ጥልቅ የባህር ውሃ የሚያርፍባቸው ስፍራዎች ይሆናሉ።”

ምንም እንኳን ሂደቱ አዝጋሚ ቢሆንም፣ በመሰነጣጠቁ ምክንያት የሚከሰቱ የመሬት መንቀጥቀጦች እና የእሳተ ገሞራ እንቅስቃሴዎች በስምጥ ሸለቆው አካባቢ ባሉ ሀገራት ላይ የጂኦግራፊያዊ ለውጥ ማምጣታቸው አይቀሬ ነው።

ይህ ታላቅ ክስተት ዓለማችን ገና ያልተቋጨች “የስራ ሂደት ላይ ያለች” (Work in Progress) መሆኗን ማሳያ ነው።

Getu Temesgen – (ጌጡ ተመስገን)
#getutemesgen #getu
#viaChannel1tv #Africa #Geology #EastAfricanRift #ScienceNews #Ethiopia #NewOcean #አፍሪካ #ጂኦሎጂ #ሳይንስ

Source: GetuTemesgen