ፈረንሳይ በምባፔ ድንቅ ብቃት ስዊድንን 3-0 አሸንፋ ወደ 16 ቡድኖች አለፈች

#Ethiopia | ፈረንሳይ በ2026 የዓለም ዋንጫ የ32 ቡድኖች የጥሎ ማለፍ ጨዋታ ስዊድንን 3-0 በማሸነፍ ወደ 16 ቡድኖች በድምቀት አልፋለች።

በጨዋታው የፈረንሳይ ካፒቴን ኪሊያን ምባፔ ሁለት ጎሎችን በማስቆጠር የጨዋታው ኮከብ ሆኖ ሲያበራ፣ ብራድሌይ ባርኮላ ሦስተኛውን ጎል በማከል ድሉን አረጋግጧል።

ፈረንሳይ ከጨዋታው መጀመሪያ ጀምሮ የኳስ ቁጥጥርና ፈጣን የማጥቃት አጨዋወት በማሳየት ስዊድንን ጫና ውስጥ አስገብታለች።

ምባፔ ከዕረፍት በፊት የመጀመሪያውን ጎል ሲያስቆጥር፣ ባርኮላ በሁለተኛው አጋማሽ ልዩነቱን አስፍቶታል። ምባፔ በድጋሚ መረብን በማንቀጥቀጥ የ3-0 ድሉን አጠናቋል።

በዚህ ድል ፈረንሳይ በውድድሩ ያላትን ፍጹም ሪከርድ ጠብቃ ወደ 16 ቡድኖች ማለፏን አረጋግጣለች። በቀጣዩ ዙርም ከፓራጓይ ጋር ትገናኛለች።

የፈረንሳይ አሰልጣኝ ዲዲዬ ዴሻምፕ ቡድናቸው በማጥቃት፣ በፍጥነት እና በቡድናዊ ቅንጅት ከዋንጫው ዋና ተፎካካሪዎች መካከል መሆኑን በድጋሚ አሳይቷል።

ምባፔም በተከታታይ አስደናቂ ብቃቱ በውድድሩ ትልቅ ተፅዕኖ እያሳደረ ይገኛል።





Source: GetuTemesgen

Related Posts

#ሀሰተኛ – ይህ ከላይ በምስሉ የሚታየው ” ፂም ያለው እና ሽማግሌ የሚመስል ሕጻን በጋሞ ዞን ቦረዳ ወረዳ ተወለደ ” እየተባለ…

ከሀዘን በዘለለ ምን እናድርግ ?

- Advertisement -

You might want to listen to:

Ethio FM