ትራምፕ በግል ጥረቴ በእስራኤል እና ሊባኖስ መካከል የ10 ቀን ተኩስ አቁም ታውጇል አሉ

- Advertisement -

#Ethiopia | የአሜሪካው ፕሬዚዳንት ዶናልድ ትራምፕ በመካከለኛው ምስራቅ ሰላምን ለማስፈን በሚያደርጉት ጥረት ሌላኛው ስኬታቸው መሆኑን የገለጹት ታሪካዊ እርቅ ይፋ ሆኗል። በፕሬዚዳንቱ አደራዳሪነት በእስራኤል እና በሊባኖስ መካከል ለ10 ቀናት የሚቆይ የተኩስ አቁም ስምምነት ላይ መደረሱን ፕሬዚዳንቱ በ”ትሩዝ ሶሻል” (Truth Social) ገጻቸው አስታውቀዋል።

በዋሽንግተን ዲሲ የተካሄደው ይህ ውይይት በሁለቱ ሀገራት መሪዎች መካከል ከ34 ዓመታት በኋላ የተደረገ የመጀመሪያው የቀጥታ ግንኙነት በመሆኑ ለየት ያለ የታሪክ አጋጣሚ ሆኖ ተመዝግቧል።

ትራምፕ ከሊባኖሱ ጆሴፍ አውን እና ከእስራኤሉ ጠቅላይ ሚኒስትር ቤንጃሚን ኔታንያሁ ጋር ፍሬያማ ውይይት ማድረጋቸውን ገልጸዋል። በውይይቱ ላይ የአሜሪካው የውጭ ጉዳይ ሚኒስትር ማርኮ ሩቢዮ መገኘታቸውም ታውቋል።

ፕሬዚዳንት ትራምፕ ይህንን ስምምነት የእሳቸው “10ኛው” ታላቅ ዲፕሎማሲያዊ ስኬት እንደሆነ በመጥቀስ፤ የአሜሪካ ባለስልጣናት ለዘላቂ ሰላም ከሁለቱም ወገኖች ጋር ተቀናጅተው እንዲሰሩ መመሪያ ሰጥተዋል።

ይህ ለ10 ቀናት የሚቆይ ስምምነት በሁለቱ ሀገራት መካከል ለሚፈጠረው ቀጣይነት ያለው ሰላም እንደ መጀመሪያ እርምጃ ተወስዷል። የዓለም አቀፉ ማህበረሰብም ይህንን ዲፕሎማሲያዊ ግኝት በትኩረት እየተከታተለው ይገኛል።

Getu Temesgen – (ጌጡ ተመስገን)

#getutemesgen #getu
#IsraelLebanon #Ceasefire #DonaldTrump #MiddleEastPeace #BreakingNews #Diplomacy #LeadThePlot

Source: GetuTemesgen