ኢራን በሆርሙዝ ሰርጥ በኩል በሚያልፉ መርከቦች ገቢ እየሰበሰበች ነውኢራን ለዓለም አቀፉ የኢነርጂ አቅርቦት እጅግ ወሳኝ በሆነው…

ኢራን በሆርሙዝ ሰርጥ በኩል በሚያልፉ መርከቦች ገቢ እየሰበሰበች ነው
ኢራን ለዓለም አቀፉ የኢነርጂ አቅርቦት እጅግ ወሳኝ በሆነው በሆርሙዝ ሰርጥ በኩል በሚያልፉ የጭነት መርከቦች ላይ ከጣለችው አዲስ የጉዞ ቀረጥ የመጀመሪያውን ገቢ መሰብሰቧን ከፍተኛ የሀገሪቱ ባለሥልጣናት ገለጹ።
የኢራን ፓርላማ ምክትል አፈ-ጉባኤ ሃሚድሬዛ ሃጂ ባባይ ዛሬ እንደተናገሩት፤ ከመተላለፊያ ክፍያው የተገኘው የመጀመሪያው ገቢ በሀገሪቱ ማዕከላዊ ባንክ ሂሳብ ውስጥ ገቢ ሆኗል።
ታስኒም የዜና ወኪል እንደዘገበው፤ ምክትል አፈ-ጉባኤው “ከሆርሙዝ ሰርጥ የመተላለፊያ ክፍያ የተገኘው የመጀመሪያው ገቢ በማዕከላዊ ባንክ ሂሳብ ውስጥ ገብቷል” ብለዋል።
በተጨማሪም የፓርላማ አባል የሆኑት አሊሬዛ ሳሊሚ ለታስኒም እንደገለጹት፤ ባለሥልጣናት በሰርጡ በኩል በሚያልፉ መርከቦች ላይ ክፍያ ማሰባሰብ መጀመራቸውን “አስተማማኝ ከሆኑ ምንጮች” ማረጋገጣቸውን ጠቅሰዋል።
እንደ ታስኒም ዘገባ ከሆነ፤ የቀረጡ መጠን የሚሰላው መርከቦቹ በሚጭኑት የጭነት ዓይነት እና መጠን እንዲሁም በእያንዳንዱ መርከብ ላይ ሊኖር በሚችለው የደኅንነት ስጋት ደረጃ ላይ ተመስርቶ ነው።
ኢራን የቀረጥ መጠኑን የመወሰን እና አሰባሰቡን የመቆጣጠር ኃላፊነትንም ወስዳለች።
@Seledadotio
@Seledadotio