ቻይና ሙሉ በሙሉ በራሳቸው የሚንቀሳቀሱ ባቡሮችን ይፋ አደረገችበማዕከላዊ ቻይና ሁቤይ ግዛት ውስጥ የሚገኘው እና በእስያ አህጉር…

ቻይና ሙሉ በሙሉ በራሳቸው የሚንቀሳቀሱ ባቡሮችን ይፋ አደረገች
በማዕከላዊ ቻይና ሁቤይ ግዛት ውስጥ የሚገኘው እና በእስያ አህጉር ረጅሙ ክበባዊ የሜትሮ መስመር ተብሎ የሚታወቀው የውሃን ሜትሮ 12 አዳዲስና ሙሉ በሙሉ አውቶማቲክ የሆኑ ባቡሮቹን ማክሰኞ ዕለት በይፋ አስተዋውቋል።
ይህ 59.9 ኪሎ ሜትር ርዝመት ያለው ታሪካዊ የሜትሮ መስመር እጅግ ዘመናዊ በሆነ ቴክኖሎጂ የተደራጀ ነው።
ባቡሮቹ የላቀ አውቶማቲክ የመንዳት ቴክኖሎጂን የሚጠቀሙ ሲሆን፣ ይህም ያለ አሽከርካሪ እርዳታ ሞተራቸውን በራሳቸው ማስነሳት፣ ጉዞ ማድረግ፣ መታጠፍ፣ ወደ ማቆሚያ መመለስ እና በተጠንቀቅ መቆም እንዲችሉ ያደርጋቸዋል።
ከዚህም በተጨማሪ የባቡሮቹን አጠቃላይ እንቅስቃሴ በርቀት መከታተልና መቆጣጠር የሚያስችል ዘመናዊ አሠራር ተገጥሞላቸዋል።
ፈጣን እና ምቹ አገልግሎት ለመስጠት የተዘጋጁት እነዚህ አዳዲስ ባቡሮች፣ በሰዓት ከፍተኛው እስከ 80 ኪሎ ሜትር ፍጥነት የመጓዝ አቅም አላቸው።
እያንዳንዱ ባቡር በተሟላ አቅሙ አገልግሎት ሲሰጥ በአንድ ጊዜ እስከ 2 ሺህ 592 መንገደኞችን የማጓጓዝ ከፍተኛ አቅም እንዳለው ፒፕልስ ዴይሊ ቻይና በዘገባው አመላክቷል።
@seledadotio
@seledadotio