የዓሳ ቆዳ ለቃጠሎ ህክምና፤ በብራዚል ሐኪሞች የተገኘው አስደናቂና አነስተኛ ወጪ የሚጠይቅ ፈውስ በብራዚል የሚገኙ ተመራማሪዎችና…

የዓሳ ቆዳ ለቃጠሎ ህክምና፤ በብራዚል ሐኪሞች የተገኘው አስደናቂና አነስተኛ ወጪ የሚጠይቅ ፈውስ
 
በብራዚል የሚገኙ ተመራማሪዎችና የሕክምና ባለሙያዎች በከባድ የእሳት ቃጠሎ የተጎዱ ሰዎችን ለማከም ልዩ በሆነ ዘዴ የተዘጋጀ የዓሳ ቆዳን በመጠቀም አስደናቂ ስኬት እያስመዘገቡ ይገኛሉ። ይህ አዲስ የሕክምና ፈጠራ የተጎጂዎችን ስቃይ በከፍተኛ ሁኔታ ከመቀነሱም በላይ የሕክምና ወጪን በግማሽ ያህል ያቀለለ መሆኑ ተገልጿል።
 
የሴአራ ፌደራል ዩኒቨርሲቲ (Federal University of Ceará) ተመራማሪዎች እንዳረጋገጡት፣ የቲላፒያ ዓሳ ቆዳ ለሰው ልጅ ቆዳ መፈወስ እጅግ አስፈላጊ የሆኑትን ‘ታይፕ 1’ ኮላጅን (Collagen) የተሰኙ ፕሮቲኖችን እና ከፍተኛ እርጥበትን በውስጡ ይዟል። ይህም የቆሰለው አካል በፍጥነት እንዲያገግም እና ከበሽታ አምጪ ተህዋስያን እንዲጠበቅ ያደርገዋል ብለዋል።
 
ቀደም ሲል በብራዚል የቆዳ ባንኮች እጥረት በመኖሩ ምክንያት ለቃጠሎ ተጎጂዎች የሚደረገው መደበኛ ሕክምና በየቀኑ የሚቀያይር ፋሻ እና የቃጠሎ ክሬም በመጠቀም የሚከናወን ሲሆን፣ ይህም ለታካሚዎቹ ከፍተኛ ስቃይ የሚፈጥር ነበር።
 
አዲሱ የቲላፒያ ቆዳ ሕክምና ግን አንዴ ከቆሰለው አካል ላይ ከተለጠፈ በኋላ በተፈጥሮ እስኪላጥ ድረስ ለቀናት የሚቆይ በመሆኑ፣ ፋሻ በየቀኑ የመቀየርን ስቃይ ሙሉ በሙሉ ያስቀረና ፈውስን የሚያፋጥን ሆኗል። የወጪው መቶኛም ከመደበኛው ሕክምና ጋር ሲነጻጸር እስከ 50 በመቶ ቅናሽ አለው።
@Seledadotio
@Seledadotio