ዶናልድ ትራምፕ
#Ethiopia | ፕሬዚዳንት ዶናልድ ትራምፕ አሜሪካ ከኢራን ጋር የደረሰችውን አዲስ የኒውክሌር ስምምነት ነገ በይፋ እንደምትፈራረም አሳውቀዋል። ፕሬዚዳንቱ በትሩዝ ኔትወርክ ገጻቸው ላይ ባወጡት ሰፊ መግለጫ፣ ይህ አዲሱ ስምምነት የቀድሞው ፕሬዚዳንት ባራክ ኦባማ ካደረጉት ስምምነት (JCPOA) ፍጹም ተቃራኒ እና ኢራን የኒውክሌር መሣሪያ እንዳታገኝ የሚከለክል “ጠንካራ ግድግዳ” መሆኑን አብራርተዋል።
ስምምነቱ እንደተፈረመ ስትራቴጂካዊ ጠቀሜታ ያለው የሆርሙዝ የባህር ወሽመጥ (Hormuz Strait) ወዲያውኑ ለሁሉም ክፍት እንደሚሆን የገለጹት ትራምፕ፣ አሜሪካ ከኢራን ጋር ያላት ግንኙነት ከቀድሞ አስተዳደሮች ይልቅ እጅግ የተሻለ እና የተለየ መሆኑን አመልክተዋል። ከቀድሞው የኦባማ አስተዳደር በተለየ መልኩ አሁን በሚደረገው ስምምነት ላይ ምንም ዓይነት የገንዘብ ልውውጥ እንደማይኖርም አረጋግጠዋል።
በተጨማሪም ወደፊት ሁኔታዎች ሲረጋጉ አሜሪካ የተቀበረውን የኢራን የኒውክሌር ማዕድን ቅሪት (Nuclear Dust) አውጥታ የማጥፋትና የማምከን ዕቅድ እንዳላት ጠቁመዋል።
አሜሪካ ከኢራንና ከመላው የመካከለኛው ምሥራቅ ጋር ለረጅም ጊዜ በጋራ ለመሥራት እንደምትፈልግ የገለጹት ፕሬዚዳንቱ፤ ይሁን እንጂ ይህ ሂደት በተፈለገው መንገድ በቶሎ እና በሰላም የማይጓዝ ከሆነ አሜሪካ ተመልሳ ልትጠቀምበት የማትፈልገውን “የመጨረሻውን አማራጭ” በእጇ እንደያዘች አስጠንቅቀዋል።
Getu Temesgen – (ጌጡ ተመስገን)
#getutemesgen #getu
#ዶናልድ_ትራምፕ #ኢራን #አሜሪካ #የኒውክሌር_ስምምነት #መካከለኛው_ምሥራቅ #ሆርሙዝ_ስትሬት #ዓለም_አቀፍ_ዜና
Source: GetuTemesgen
Related Posts
No comments yet.