ቤልጂየም ከሞት ተነስታ ሴኔጋልን አሰናበተች፤ የአፍሪካ ቡድኖች ፈተና ቀጥሏል

- Advertisement -

#Ethiopia | በአስደናቂ ድራማ የታጀበው የጥሎ ማለፍ ጨዋታ ቤልጂየም ከ2-0 ወደ ድል በመመለስ ሴኔጋልን አሰናብታ ወደ 16 ቡድኖች ዙር ተቀላቅላለች።

ሴኔጋል እስከ 86ኛው ደቂቃ 2-0 እየመራች ብትቆይም፣ ቤልጂየም በመጨረሻዎቹ ደቂቃዎች ሁለት ፈጣን ጎሎችን በማስቆጠር ጨዋታውን ወደ 2-2 አቻ አመጣች። ጨዋታውም ወደ 30 ደቂቃ ተጨማሪ ሰዓት ተሸጋገረ።

ተጨማሪ ሰዓቱ ወደ ፔናሊቲ ሊያመራ በተቃረበበት 120ኛው ደቂቃ የሴኔጋል ተጨዋቾች በሳጥን ውስጥ የፈጸሙት ጥፋት በVAR ከተመረመረ በኋላ ፔናሊቲ ተሰጠ። ዩሪ ቴሌማንስ ፔናሊቲውን ወደ ጎል በመቀየር ቤልጂየምን 3-2 አሸናፊ አድርጓል።

በዚህ ውጤት ቤልጂየም ወደ 16 ቡድኖች ዙር ማለፍ ሲችል፣ ሴኔጋል በረጅም ሰዓት የገነባችውን አመራር በመጨረሻ ደቂቃዎች በማጣቷ በከፍተኛ ቁጭት ከውድድሩ ተሰናብታለች።

ይህ ውጤት የአፍሪካ ቡድኖች በጥሎ ማለፍ ዙር የሚያጋጥማቸውን የመጨረሻ ደቂቃ የትኩረት እጥረት፣ የጨዋታ አመራር ድክመት እና የአሰልጣኞች የቅያሪ ውሳኔ ችግሮች እንደገና ወደ ውይይት አምጥቷል።

በቀጣዩ ዙር ቤልጂየም ከአሜሪካ ጋር ለሩብ ፍጻሜ ቦታ ትፋለማለች።

Source: GetuTemesgen

No comments yet.

- Advertisement -

You Might like