ከ ከንቱ ጩኸት ትርጉም ወዳለው ሕይወት

#Ethiopia | ሕያው አካል መቼም ቢሆን ሊያመልጠው የማይችለው የማይቀር የጋራ መድረሻ ቢኖር ሞት ነው።

ባለጸጋም ይሁን ድሃ፣ ኃያልም ይሁን ተራ፣ ዝነኛም ይሁን የተረሳ ሁሉም በየሰዓቱ ወደዚህ እውነት እያመራ ይገኛል።

ይሁን እንጂ የዚህ ሐቅ ጥልቅ መልእክት ሞትን በመፍራት በስጋት ውስጥ መኖር ሳይሆን ያቺ ፍርሃት በህይወታችን ላይ አንዳችም ሥልጣን እንዳይኖራት አድርጎ በድፍረት መገኘት ነው።

አብዛኛው ማህበረሰብ ሕይወት ማለቂያ የሌለው ዘላለማዊ ስጦታ ይመስል ውድ ቀናቱን በከንቱ ማባከኑ ይቀጥላል።

ነገር ግን የሞትን እና የሕይወትን አላፊነት በአግባቡ የሚረዳ እና የሚቀበል ግለሰብ በባዶ ነገሮች ላይ ጊዜውን ፈጽሞ አያጠፋም የሰዎችን ጊዜያዊ ተቀባይነት ለማግኘት መለመን ይተዋል።

ዓላማውን ማዘግየት አቁሞ አሁንኑ መኖር ይጀምራል እንዲሁም ጊዜ እንደሌለው ሰው አድርጎ ድፍረትን ዲሲፕሊንን፣ ፍቅርን እና እውነትን በጉዞው ውስጥ አብሮ ይሰልፋል።

ሞትን መጋፈጥ የሚቻለው በፍርሃት ወይም በድንጋጤ ውስጥ በመዋጥ አይደለም።

ሞትን «በጸጥታ እና በሰላም» ማሸነፍ የሚቻለው የኖሩት ሕይወት እውነተኛ እና ትርጉም ያለው ሲሆን ብቻ ነው።

ቀናትን ሳያባክኑ መኖር፣ በጥልቅ መውደድ እና በሐቀኝነት መታገል መከራን ችሎ በማለፍ ስብዕናን ጠብቆ ማቆየት እንዲሁም በሕይወት ዘመን ነፍስዎ ሊያከብረው የሚችለውን ክቡር ሰው መሆን የግድ ይላል።

ይህ ሲሆን ሞት የፍርሃት ምንጭ መሆኑ ቀርቶ የክብር እና የድል ማጠናቀቂያ ይሆናልና።

ለዚህ አላፊ ጊዜ ዋጋ ለመስጠት ከንቱ የሆኑ የቅይም እና የምሬት ስሜቶችን አጥፍቶ ይቅር ማለትን ማብዛት፣ ለሚያምኑበት የላቀ ዓላማ ሙሉ አቅምን እና ጉልበትን መስጠት፣ ልቦችን በሚያገናኝ እውነተኛ ፍቅር መኖር እንዲሁም የሌሎችን ትችት እና ውጫዊ ግፊት ሳይፈሩ ያለ ስጋት መቆም ብልህነት ነው።

ሕይወት የተሰጠችው ጊዜያዊ ታላቅ ስጦታ ናትና በውጤት እና በበጎ ስራ ሊሞሏት ይገባል።

በመጨረሻም ሞት ለመላው ህያው ፍጡር እኩል የሚመጣ የማይቀር ሐቅ ነው።

ነገር ግን ሁሉም ሰው በሰላም እና በረጋ ልብ ሊቀበለው አይችልም ልዩነቱ ያለው ሕይወቱን እንዴት እንደኖረ ላይ ነው።

ጊዜውን በአግባቡ የተጠቀመ፣ ባህሪውን ያጠራ እና ዓላማውን የፈጸመ ሰው ሞትን በድል አድራጊነት እና በሰላም ይጋፈጠዋል።

በቂም እና በምሬት ጊዜን ከማባከን ይልቅ ይቅር ማለትን እና በዓላማ መኖርን ለመምረጥ ምን ዓይነት ውስጣዊ ጥንካሬ ያስፈልጋል ብለው ያስባሉ?

ዛዲግ አብርሀ
የአፍሌክስ ፕሬዝደንት

ሔኖክ ወ/ገብርኤል

#Ethiopia #GetuTemesgen #GetuNews
#Ethiopia #African #leadership #excellence #academy


Source: GetuTemesgen

- Advertisement -

You Might like

2121

Test Product 9

Test Product the newer

Test Product 3

Test Product 6