ግማሽ ቶን የሚመዝነው አስደናቂ የሰርግ ኬክ ካታላናዊው የፓስቲ ሼፍ ማርክ ሱዋሬዝ ለሳዑዲ አረቢያ ንጉሣዊ ቤተሰብ ሰርግ ያዘጋጀ…

ግማሽ ቶን የሚመዝነው አስደናቂ የሰርግ ኬክ
ካታላናዊው የፓስቲ ሼፍ ማርክ ሱዋሬዝ ለሳዑዲ አረቢያ ንጉሣዊ ቤተሰብ ሰርግ ያዘጋጀውንና 500 ኪሎ ግራም የሚመዝነውን እጅግ አስደናቂ የሰርግ ኬክ በፓሪስ ኦፔራ ጋርኒየር ይፋ አድርጓል።
3.5 ሜትር ቁመት እና 1.8 ሜትር ስፋት ያለው ይህ ስራ የምግብ ዝግጅት እና የቅርጻ ቅርጽ ጥበብን ያዋሃደ ድንቅ የጥበብ ውጤት ነው ተብሏል።
ይህን ግዙፍ ፕሮጀክት ለማጠናቀቅ በአጠቃላይ 1,800 የሥራ ሰዓታት የፈጀ ሲሆን፣ ሀሳቡን ለማፍለቅ አንድ ወር ተኩል እንዲሁም ለመስራት ደግሞ አራት ወራት ተወስደዋል።
አዲስ ተጋቢዎቹ ከተለመደው የሰርግ ኬክ ይልቅ የፓሪስን ታሪካዊ አደባባይ ግርማ ሞገስ የሚያንፀባርቅ ጊዜ የማይሽረው ሀውልት መሰል ስራ በመፈለጋቸው፣ ሱዋሬዝ የሰርግ ኬክ አሰራርን ድንበር ወደ ላቀ የኪነ-ጥበብ ደረጃ አሸጋግሮታል።
ሱዋሬዝ ከስራው ስፋትና ውስብስብነት የተነሳ ብቻውን መስራት ባለመቻሉ፣ ከሌሎች ባለሙያ ጓደኞቹ እና ከቤተሰቦቻቸው ጋር በመተባበር 33,000 የኪነ-ጥበብ የስኳር ቅጠሎችን በመቅረጽ፣ በመቀባት እና በማገጣጠም በጋራ ሰርተውታል።
ትኩረት የሚስበው ደግሞ የዚህ ግዙፍ ስራ 0.1% ብቻ እውነተኛ ኬክ ሲሆን፣ ቀሪው 99.9% ክፍል በሙሉ በእጅ ከተሰራ የስኳር ፓስታ እና ነጭ ቸኮሌት የተዘጋጀ መሆኑ ነው ሲል ኦዲቲ ሴንትራል ዘግቧል ።
@Seledadotio
@Seledadotio