#Ethiopia | አዲሲቷ ኢትዮጵያ ኃላፊነቱ የተወሰነ መሰረታዊ የቁጠባና ብድር ህብረት ሥራ ማህበር በአዲስ አበባ ልደታ ክፍለ ከተማ ለሚገኙ 100 ህጻናት የ2019 የትምህርት ዘመንን ሙሉ በሙሉ ተዘጋጅተው እንዲጀምሩ የሚያስችላቸውን የደብተር፣ ቦርሳ እና ሌሎች የትምህርት ቁሳቁሶች ድጋፍ ነሐሴ 28 ቀን 2018 ዓ.ም አደረገ።
ይህን አበረታች የበጎ አድራጎት ተግባር ያከናወነው አዲሲቷ ኢትዮጵያ ኃላፊነቱ የተወሰነ መሰረታዊ የቁጠባና ብድር ህብረት ሥራ ማህበር (SACCO) ሲሆን፣ ድጋፉም ዛሬ ነሐሴ 28 ቀን 2018 ዓ.ም በተካሄደ ደማቅ ስነ-ስርዓት ለህጻናቱ ተበርክቷል።
በዕለቱ በተከናወነው መርሃ ግብር ላይ የኢትዮጵያ ህብረት ስራ ኮሚሽን ከፍተኛ የሥራ ኃላፊዎች፣ የልደታ ክፍለ ከተማና የወረዳ 7 አመራሮች፣ ወላጆች እንዲሁም የማህበሩ አባላት ተገኝተው የህጻናቱን ደስታ ተጋርተዋል። ማህበሩ ለተማሪዎቹ ያበረከተው ድጋፍ ደብተር፣ እስክሪብቶ፣ እርሳስ፣ የትምህርት ቦርሳ እና ሌሎችንም ለትምህርት አስፈላጊ የሆኑ ቁሳቁሶችን ያካተተ ሲሆን፤ ይህም ህጻናቱ በቁሳቁስ ማነስ ሳይበገሩ በትምህርታቸው ላይ ብቻ ትኩረት እንዲያደርጉ ትልቅ እፎይታን ፈጥሮላቸዋል።
የማህበሩ አመራሮች በመርሃ ግብሩ ላይ እንደገለጹት፣ አዲሲቷ ኢትዮጵያ ኃላፊነቱ የተወሰነ መሰረታዊ የቁጠባና ብድር ህብረት ሥራ ማህበር ከመደበኛ የፋይናንስ፣ የቁጠባና የብድር አገልግሎቱ ባሻገር ለማህበረሰብ ተላላፊ ችግሮች ደራሽ መሆንንና ማህበራዊ ሀላፊነትን መወጣትን የዘወትር ተግባሩ አድርጎ ይሰራል። “ህጻናትን መደገፍ የነገን ሀገር መገንባት ነው” የሚል አቅጣጫን በመከተል፣ ህጻናቱ በችግሮች ሳይሸነፉ ህልማቸውን በትጋት እንዲከታተሉ ጥሪ አስተላልፈዋል።
የአካባቢው አመራሮችም የማህበሩን በጎ ተግባር አድንቀው፣ እንዲህ ያሉ በጎ አድራጎቶች በማህበረሰቡ መካከል ጠንካራ የመረዳዳት ባህልን እንደሚገነቡ ገልጸዋል። አዲሲቷ ኢትዮጵያ ኃላፊነቱ የተወሰነ መሰረታዊ የቁጠባና ብድር ህብረት ሥራ ማህበር በበኩሉ በቀጣይም ከአባላቱና ከማህበረሰቡ ጋር በመተባበር በትምህርትና በሌሎች ልማታዊ ዘርፎች የሚያደርገውን ድጋፍ አጠናክሮ እንደሚቀጥል አረጋግጧል።
Getu Temesgen – (ጌጡ ተመስገን)
#getutemesgen #getu #ጌጡ
#Ethiopia #AddisAbaba #LidetaSubCity #EducationSupport #BackToSchool #CorporateSocialResponsibility
#CSR Ethiopia #SupportEducation
#SACCOEthiopia #CommunitySupport
Source: GetuTemesgen
Related Posts
No comments yet.