#Ethiopia | የአሜሪካ የንግድ ሚኒስቴር ምክትል ረዳት ሚኒስትር ማርክ ሚቸል በአዲስ አበባ ባደረጉት ጉብኝት የአባታቸው የቀድሞ መስሪያ ቤት ጎብኝተዋል።
ምንም እንኳን ጉብኝቱ ለምክትል ረዳት ሚኒስትሩ የመጀመሪያቸው ቢሆንም ለቤተሰባቸው ግን ከሰባት አስርት ዓመታት በፊት የጀመረ ታሪካዊ ትስስር አለው።
ከ75 ዓመታት በፊት የእሳቸው አባት ራልፍ ፍሊንት ሚቸል ጁኒየር የኢትዮጵያ አየር መንገድ አብራሪ እንዲሁም የቀዳማዊ ኃይለ ሥላሴ የግል አብራሪ ሆነው ያገለግሉ ነበር።
በወቅቱም ንጉሠ ነገሥቱን እቴጌይቱንና የቤተ መንግሥቱን ውሻ ጭምር በተለያዩ ዓለም አቀፍ ጉዞዎች ላይ ያጀቧቸው ሲሆን እንደ እ.ኤ.አ በግንቦት 1950 የተከናወነውን የአባይ ወንዝ ድልድይ የምርቃት ሥነ ሥርዓት ጨምሮ በርካታ ጉዞዎችን በክብር መርተዋል።
ምክትል ረዳት ሚኒስትር ማርክ ሚቸል በአዲስ አበባ ባካሄዷቸው ስብሰባዎች ወቅት ይህ የቆየ የቤተሰብ ታሪክ በድጋሚ ህያው ሆኖ የቀረበ ሲሆን ይህም የሁለቱን ሀገራት ዘላቂ አጋርነት የሚያስታውስ አጋጣሚ ሆኗል።
ልክ እንደ ረጅም የአየር በረራ ሁሉ የአሜሪካና የኢትዮጵያ ግንኙነትም ጊዜንና ትውልድን ተሻግሮ ሩቅ የተጓዘናየጸና ለመሆኑ ይህ ክስተት ትልቅ ማሳያ ነው።
📸 US embassy Addis Ababa
በያፌት ገ/ህይወት
Getu Temesgen – (ጌጡ ተመስገን)
#getutemesgen #getu
Source: GetuTemesgen
Related Posts
No comments yet.